ഉടുമ്പന്നൂര്‍:  ഉടുമ്പന്നൂര്‍ വില്ലേജ് ഓഫിസിന്റെ കതകില്‍ സാമൂഹ്യ വിരുദ്ധര്‍ മാലിന്യം കെട്ടിത്തൂക്കി. ഇന്നലെ രാവിലെ ഓഫിസിലെത്തിയ ജീവനക്കാരാണ് കടലാസില്‍ പൊതിഞ്ഞ മാലിന്യം ഓഫിസിന്റെ വാതിലില്‍ കെട്ടിതൂക്കിയ നിലയില്‍ കണ്ടത്. വില്ലേജ് ഓഫിസര്‍ നല്‍കിയ പരാതിയെത്തുടര്‍ന്ന് കരിമണ്ണൂര്‍ പൊലിസ് എത്തി അന്വേഷണം ആരംഭിച്ചു. മുമ്പ് വില്ലേജ് ഓഫിസ് വളപ്പില്‍ സാമൂഹ്യവിരുദ്ധര്‍ രാത്രികാലങ്ങളില്‍ തമ്പടിച്ച് മദ്യപാനവും അനാശാസ്യ  പ്രവര്‍ത്തനങ്ങളും നടത്തുന്നതായി പരാതി ഉയര്‍ന്നിരുന്നു. ഇക്കാര്യം അധികൃതരെ അറിയിച്ച് ഓഫിസിന് ചുറ്റുമതില്‍ നിര്‍മിച്ചിരുന്നു. ഇതാകാം സാമൂഹ്യവിരുദ്ധരെ പ്രകോപിപ്പിച്ചതെന്ന് കരുതുന്നു.