ഗൂഡല്ലൂര്‍: ഗൂഡല്ലൂര്‍ നഗരത്തിലെ ഡിവൈഡറുകള്‍ എടുത്ത് മാറ്റണമെന്ന് വ്യാപാരി സംഘം ഗൂഡല്ലൂര്‍ ഡിവൈ.എസ്.പി ജയസിങിന് നല്‍കിയ നിവേദനത്തില്‍ ആവശ്യപ്പെട്ടു.
റോഡിന് മതിയായ വീതിയില്ലാത്തത് കാരണം വാഹനങ്ങള്‍ക്ക് കടന്ന് പോകാന്‍ പ്രയാസമാണ്. കൂടാതെ പൊതുജനങ്ങള്‍ക്ക് റോഡ് മുറിച്ച് കടന്ന് കടകളില്‍ മാറി കയറുന്നതിന് ഡിവൈഡറുകള്‍ പ്രയാസം സൃഷ്ടിക്കുന്നുണ്ട്. പ്രശ്‌നത്തിന് ശാശ്വത പരിഹാരം കാണണമെന്ന് നിവേദനത്തില്‍ ചൂണ്ടികാട്ടിയിട്ടുണ്ട്. വ്യാപാരി സംഘം ഭാരവാഹികളായ പ്രദാപ്, എ.ജെ തോമസ്, അമീര്‍ഖാന്‍, അബ്ദുര്‍റസാഖ് എന്നിവരുടെ നേതൃത്വത്തിലുള്ള സംഘമാണ് നിവേദനം നല്‍കിയത്.