തിരുവനന്തപുരം: പ്ലസ് ടു അധ്യാപകരുടെ തസ്തികമാറ്റ നിയമനത്തില്‍ പ്ലസ് ടു ഡയരക്ടറേറ്റിന് ഗുരുതരമായ അനാസ്ഥ. ഹൈസ്‌കൂള്‍, യു.പി അധ്യാപകരില്‍ നിന്ന് എച്ച്.എസ്.എസിലേക്കുള്ള തസ്തികമാറ്റ നിയമനത്തിനായി ഒടുവില്‍ അപേക്ഷ വിളിച്ചത് 2011 നവംബര്‍ 30നാണ്. 2012 മാര്‍ച്ചിലാണ് നടപടികള്‍ പൂര്‍ത്തിയാക്കിയത്.
തുടര്‍ന്ന് 2014 സെപ്റ്റംബറില്‍ ഏറെ പേര്‍ക്കു നിയമനം ലഭിച്ചു. എന്നാല്‍ രണ്ടണ്ടു മാസം കൊണ്ടണ്ടു തീര്‍ക്കേണ്ടണ്ടിയിരുന്ന എന്‍.ജെ.ഡി(നോട്ട് ജോയിനിങ് ഡ്യൂട്ടി) നിയമനങ്ങള്‍ ഇനിയും പൂര്‍ത്തിയാക്കിയില്ല. 2011 നവംബറിനു ശേഷം പൂര്‍ണ യോഗ്യത നേടിയവര്‍ക്കുകൂടി അപേക്ഷിക്കാന്‍ കഴിയുന്നവിധത്തില്‍ അപേക്ഷ വിളിക്കാനുള്ള ഒരുക്കവും എങ്ങുമെത്തിയില്ല.

  മൂന്നുമാസത്തിനുള്ളില്‍ പൂര്‍ത്തിയാക്കാവുന്ന തസ്തികമാറ്റ നിയമന പ്രക്രിയയാണ് അനന്തമായി നീളുന്നത്. സുവോളജിക്ക് 18 എന്‍.ജെ.ഡി ഒഴിവുള്ള കാര്യംപോലും കഴിഞ്ഞദിവസമാണത്രെ ശ്രദ്ധയില്‍പെട്ടത്.

 ചട്ടപ്രകാരം ജൂനിയര്‍ തസ്തികയില്‍ മാത്രമാണ് എച്ച്.എസ്,യു.പി വിഭാഗക്കാര്‍ക്ക് അവകാശമുള്ളത്. സീനിയര്‍ തസ്തികയ്ക്ക് ആവശ്യമായ ഡി.പി.സിക്കുള്ള കാലതാമസം ഒഴിവാക്കാനുമാകും.

സെറ്റ് അഥവാ എച്ച്.എസില്‍ 10 വര്‍ഷം സര്‍വിസുള്ളവര്‍ക്കായി തസ്തികമാറ്റ നിയമനത്തിനുള്ള അപേക്ഷ വിളിക്കാനുള്ള ഒരുക്കവും ഒന്നുമായില്ല. ജോലികള്‍ നടക്കുന്നുവെന്ന പല്ലവിയാണ് ഒന്നര വര്‍ഷത്തിലേറെയായി കേള്‍ക്കുന്നത്. സെറ്റ് അഥവാ എച്ച്.എസില്‍ 10 വര്‍ഷം സര്‍വിസുള്ളവര്‍ക്കാണ് തസ്തികമാറ്റ അവസരം. സെറ്റ് ഇല്ലാതെ സര്‍വിസില്‍ കയറുന്നവര്‍ പൂര്‍ണയോഗ്യത നേടുന്നത് സെറ്റ് ജയിക്കുന്ന തിയതിയില്‍ മാത്രമാണ്. സെറ്റ് ജയിക്കാതെ 10 വര്‍ഷം തുടരുന്നവര്‍ക്ക് അതിനിടെ ഒട്ടേറെ തവണ സെറ്റ് എഴുതാന്‍ അവസരം ലഭിക്കുന്നുണ്ടണ്ട്. അതുപയോഗിക്കാതെ 10 വര്‍ഷ ആനുകൂല്യത്തിന് ശ്രമിക്കുന്നു.

സെറ്റ് ഇല്ലാതെ ഹൈസ്‌കൂളില്‍ കയറുന്നവര്‍ക്ക് സര്‍വിസ് പ്രവേശന തിയതിക്കു പകരം അവര്‍ പൂര്‍ണയോഗ്യത നേടുന്ന സെറ്റ് റിസല്‍ട്ട് തിയതി അഥവാ എച്ച്.എസില്‍ 10 വര്‍ഷം തികയുന്ന തിയതി മാത്രം യോഗ്യതാ തിയതിയായി നല്‍കുന്നതു മുന്‍കാലത്തുണ്ടണ്ടായ അനാവശ്യ വ്യവഹാരങ്ങളും കാലതാമസവും ആവര്‍ത്തിക്കുന്നതു തടയാനാകുമെന്നു വിദഗ്ധര്‍ ചൂണ്ടണ്ടിക്കാട്ടുന്നു.