പൊന്നാനി: പൊന്നാനി കല്ലികടയിലെ അയിഷ പെട്രോള്‍ പമ്പിനെതിരേ സമൂഹ മാധ്യമങ്ങളില്‍ അപകീര്‍ത്തിപരമായ വ്യാജ പ്രചരണമെന്ന് ഉടമ പൊന്നാനി പോലിസില്‍ പരാതിനല്‍കി. അയിഷ പെട്രോള്‍ പമ്പിനെതിരേ കഴിഞ്ഞ ഒരു മാസമായി  സമൂഹമാധ്യമങ്ങളില്‍ അപകീര്‍ത്തിപരമായ വ്യാജപ്രചരണം  നടത്തുന്നുവെന്നാണ് പരാതിയില്‍ പറയുന്നത്.
ഇത്തരം വ്യാജപ്രചാരണം നടത്തുന്നവരെ നിയമത്തിന് മുന്നില്‍ കൊണ്ട് വരാന്‍ ഒരുങ്ങുകയാണ് അയിഷ പമ്പിന്റെ ഉടമസ്ഥനും പുറങ്ങ് സ്വദേശിയുമായ അബ്ദു നസീര്‍. ഇതിന്റെ ആദ്യഘട്ടമെന്നോണമാണ് രേഖാമൂലം പരാതി നല്‍കിയത്.