കൊല്ലം: പൊതുമേഖല ഉള്‍പ്പെടെയുള്ളവ സ്വകാര്യവല്‍ക്കരിച്ച് തൊഴിലാളിവര്‍ഗ ചൂഷണം മുഖമുദ്രയാക്കുന്നതും ഹിന്ദുത്വത്തിന്റെ പേരില്‍ ജനങ്ങളെ ഭിന്നിപ്പിക്കുന്നതും മുതലാളിത്തത്തിന്റെ മാറിവന്ന മുഖമാണ് പ്രതിഫലിപ്പിക്കുന്നതെന്ന് സി.പി.എം പോളിറ്റ് ബ്യൂറോ അംഗം പ്രകാശ് കാരാട്ട് പറഞ്ഞു. മൂലധനത്തിന്റെ 150 വര്‍ഷങ്ങള്‍ എന്ന വിഷയത്തില്‍ എന്‍. എസ് പഠന ഗവേഷണകേന്ദ്രം സംഘടിപ്പിച്ച ഏകദിന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. കുത്തകകളെ സഹായിച്ചും വര്‍ഗീയ വളര്‍ത്തിയും നേട്ടമുണ്ടാക്കുകയാണ് നരേന്ദ്രമോദി സര്‍ക്കാര്‍. ഹിന്ദുത്വ അജണ്ട നടപ്പാക്കി രാജ്യത്തെ ജനങ്ങളെ വിഭജിക്കാണ് കേന്ദ്ര സര്‍ക്കാര്‍ ശ്രമം. ഹിന്ദുത്വ അജണ്ട പ്രോത്സാഹിപ്പിക്കുന സങ്കുചിതമായ കാഴ്ചപ്പാട് രാജ്യത്തെ പിന്നോട്ടാണ് നയിക്കുകയെന്നും അദ്ദേഹം പറഞ്ഞു.