കാഞ്ഞങ്ങാട്: സംസ്ഥാന സ്‌കൂള്‍ കലോത്സവത്തില്‍ ഗിറ്റാറില്‍ പേരാമ്പ്ര ഹയര്‍ സെക്കന്‍ഡറി സ്‌കൂളില്‍ പ്ലസ് വണ്‍ കംപ്യൂട്ടര്‍ സയന്‍സ് വിദ്യാര്‍ഥിയായ സിദ്ധാര്‍ഥിന് എ ഗ്രേഡ്.

മരുതോങ്കര ഹെല്‍ത്ത് സെന്ററില്‍ ഡോക്ടറായ ആനന്ദിന്റെയും പേരാമ്പ്ര ഹയര്‍ സെക്കന്‍ഡറി സ്‌കൂളില്‍ ഗണിതാധ്യാപികയായ വിമലയുടെയും മകനാണ് സിദ്ധാര്‍ഥ്.

കഴിഞ്ഞ രണ്ടുവര്‍ഷവും സംസ്ഥാന കലോത്സവത്തില്‍ എ ഗ്രേഡ് നേടിയതോടെ സിദ്ധാര്‍ഥിന്റെ ഇത് ഹാട്രിക് ആണ്. മൂന്നുവര്‍ഷമായി സംഗീത സംവിധായകനായ എ.പി.ശശികുമാറിന്റെ ശിക്ഷണത്തിലാണ് ഗിറ്റാര്‍ പഠിച്ചത്.