അഗളി: അട്ടപ്പാടിയിലെ നിശബ്ദ്ധ താഴ്‌വാരം സന്ദര്‍ശിക്കനാവതെ സന്ദര്‍ശകര്‍. കഴിഞ്ഞ പ്രളയകാലത്ത് ഉരുള്‍പ്പൊട്ടലിലും, മണ്ണിടിച്ചലിലും തടസപ്പെട്ട നിശബ്ദ താഴ്‌വാരത്തിലേക്കുളള റോഡ് ഗതാഗത യോഗ്യമാവണമെങ്കില്‍ നാല് മാസത്തോളം വേണമെന്നാണ് സൈലന്റ്‌വാലി അധികൃതര്‍ പറയുന്നത്. ഡിസംബറിലെ തണുപ്പും, കോടമഞ്ഞും നത്യഹരിതമായ വനത്തിലൂടയെുളള യാത്രയും സന്ദര്‍ശകര്‍ക്ക് മറക്കനാകത്ത അനുഭവമാണ് സമ്മാനിക്കാറുളളത്.
സൈലന്റ്‌വാലി ഇന്ദിരഗാന്ധി നാഷണല്‍ പാര്‍ക്കായി 1985 ല്‍ അന്നത്തെ പ്രധാനമന്ത്രിയായിരുന്ന രാജിവ് ഗാന്ധിയാണ് ഉദ്ഘാടനം ചെയ്തത്. അട്ടപ്പാടിയിലെ പ്രധാന ആകര്‍ഷണമായും, ലോകത്തിലെതന്നെ അപൂര്‍വ്വമായ സസ്യലതാദികളുടെ ജൈവസമ്പത്തുകളുടെ കലവറയാണ് സൈലന്റ്‌വാലി. സിംഹവാലന്‍ കുരങ്ങുകള്‍ ധാരളമുളള വനത്തിലൂടെ യാത്ര ചെയ്ത് വാച്ച്് ടവറിലെത്തും. മുക്കാലിവരെ മാത്രമെ സ്വകാര്യ വാഹനങ്ങള്‍ കടത്തിവിടുകയുളളു.
അതിനു ശേഷം വനം വകുപ്പിന്റെ വാഹനത്തില്‍ നിശ്ചിത ഫീസ് നല്‍കിയാല്‍ പ്രവേശനാനുമതിയും, ഗൈഡും അനുവദിക്കും. സന്ദര്‍ശനം കഴിഞ്ഞു മടങ്ങുമ്പോള്‍ ഗോത്രവര്‍ഗ്ഗക്കാര്‍ വനത്തില്‍ നിന്ന് ശേഖരിച്ച വനവിഭവങ്ങള്‍ വനം വകുപ്പിന്റതന്നെവില്‍പ്പന കേന്ദ്രത്തില്‍ നിന്നം വാങ്ങാവുന്നതാണ്. സന്ദര്‍ശകരുടെ വരവ് നിലച്ചതോടെ വ്യാപാരികളും മറ്റുളള സ്ഥാപനങ്ങളും പ്രതിസന്ധി നേരിടുകയാണ്.
പ്രളയം കഴിഞ്ഞ് നാല് മാസത്തോളമായി. ഇരുപത്തിയഞ്ച് സ്ഥലങ്ങളിലാണ് റോഡ് തടസ്സപ്പെട്ടിരിക്കുന്നത്. റോഡിന്റെ തടസങ്ങള്‍ മാറ്റുന്നതിനുളള നടപടികള്‍ മന്ദഗതിയിലാണ്. ഡിസംബറിലെ അവധി ദിനങ്ങള്‍ ചിലവഴിക്കുന്നതിന് സന്ദര്‍ശകര്‍ മുന്‍ കൂട്ടി തയ്യറാക്കുന്ന സ്ഥലങ്ങളില്‍ പ്രധാനപ്പെട്ട ഒരു സ്ഥലമാണ് സൈലന്റവാലി.
നഗരങ്ങളിലെ തിരക്കു പിടിച്ച ജീവിതസാഹചര്യവും, വാഹനങ്ങള്‍ പുറം തളളുന്ന കര്‍ബഡൈയൊക്‌സൈഡ് ശ്വസിച്ച് നാളുകള്‍ തളളി നിക്കുന്നവര്‍ക്ക് ശുദ്ധവായു ശ്വസിക്കനായി ഒരുനാള്‍ മാറ്റി വെയ്ക്കുന്നത് സൈലന്റ്‌വാലി പോലുളള സ്ഥലങ്ങളില്‍ ചിലവഴിച്ചു കൊണ്ടാണ്.
നാല് മാസം കൊണ്ട് പണി പൂര്‍ത്തിയായല്‍ തന്നെ വരുന്ന വേനലില്‍ ഫയര്‍ പ്രൊട്ടക്ഷന്‍ വര്‍ക്കുകള്‍ക്കായി സന്ദര്‍ശകര്‍ക്ക് നിയന്ത്രണം ഏര്‍പ്പെടുത്തുന്നതിന് സാധ്യതയുണ്ട്.