തിരുവനന്തപുരം: പ്രീ പ്രൈമറി മുതല്‍ ഹയര്‍ സെക്കന്‍ഡറി വരെയുള്ള ക്ലാസുകളിലേക്ക് പ്രീപ്രൈമറി അധ്യാപക സഹായി,
വിവിധ പഠന സാമഗ്രികള്‍ എന്നിവ തയാറാക്കുന്നതിനുള്ള ശില്‍പശാലകളില്‍ പങ്കെടുക്കുന്നതിനും അധ്യാപക ശാക്തീകരണ പ്രവര്‍ത്തനങ്ങളില്‍ റിസോഴ്‌സ് അധ്യാപകരായി പ്രവര്‍ത്തിക്കുന്നതിനും താല്‍പര്യമുള്ളവരില്‍ നിന്ന് അപേക്ഷ ക്ഷണിച്ചു.

അപേക്ഷകര്‍ സ്‌കൂള്‍, കോളജ്, യൂനിവേഴ്‌സിറ്റി ഡിപ്പാര്‍ട്ടുമെന്റുകള്‍ എന്നിവിടങ്ങളില്‍ അധ്യാപകരായി, ഫാക്കല്‍റ്റി അംഗങ്ങളായി, ഗവേഷകരായി ജോലി നോക്കുന്നവരോ ഈ മേഖലകളില്‍ പ്രവര്‍ത്തിച്ച് വിരമിച്ചവരോ ആകാം. കലാ കായിക പ്രവൃത്തിപരിചയ മേഖലകളില്‍ പ്രാഗല്‍ഭ്യമുള്ള അധ്യാപകര്‍ക്കും അപേക്ഷിക്കാം. ബയോഡാറ്റ സഹിതം അപേക്ഷ
ഓഗസ്റ്റ് 20നകം ഡയറക്ടര്‍, എസ്.സി.ഇ.ആര്‍.ടി, വിദ്യാഭവന്‍, പൂജപ്പുര, തിരുവനന്തപുരം-12 വിലാസത്തില്‍ അയക്കണം.