തിരുവനന്തപുരം: കേന്ദ്ര ആരോഗ്യമന്ത്രാലയത്തിന് കീഴിലുള്ള സെന്‍ട്രല്‍ ലെപ്രസി ഡിവിഷന്‍ സെന്ററിന്റെ നിര്‍ദേശപ്രകാരമുള്ള എന്ന കുഷ്ഠരോഗ നിര്‍ണയ പ്രചരണ കാംപയിന്‍ 'അശ്വമേധം'ഇന്ന് മുതല്‍ 18 വരെ തിരുവനന്തപുരം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ നടക്കും. ഇന്നു രാവിലെ 11ന് തിരുവനന്തപുരം ജനറല്‍ ആശുപത്രിയില്‍ ആരോഗ്യമന്ത്രി കെ.കെ ശൈലജ ഉദ്ഘാടനം ചെയ്യും. ഒരു പുരുഷ വളണ്ടിയറും ഒരു വനിതാ വളണ്ടിയറും ഉള്‍പ്പെടുന്ന സെര്‍ച്ച് ടീം ഈ ദിവസങ്ങളില്‍ വീടുകള്‍ സന്ദര്‍ശിച്ച് ആളുകളെ പരിശോധിക്കുകയും കുഷ്ഠരോഗ ലക്ഷണമുള്ളവരെ ആശുപത്രിയിലേക്ക് റഫര്‍ ചെയ്യുകയും ചെയ്യും.