കോഴിക്കോട്: ബ്രിട്ടാനിയ കമ്പനിയുടെ ഉല്‍പന്നങ്ങള്‍ വില്‍ക്കില്ലെന്ന് വ്യാപാരി വ്യവസായി ഏകോപന സമിതി. അകാരണമായി പിരിച്ചുവിട്ട 10 വിതരണക്കാരെ പുനഃസ്ഥാപിക്കുന്നതുവരെ ബ്രിട്ടാനിയ കമ്പനിയുമായി സഹകരിക്കില്ലെന്നും അവരുടെ ഉല്‍പന്നങ്ങള്‍ തല്‍ക്കാലം വില്‍ക്കില്ലെന്നും കേരളാ വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി നസിറുദ്ദീന്‍ പറഞ്ഞു. പ്രശ്‌നത്തില്‍ ചര്‍ച്ച നടത്തിയിട്ടും നിര്‍ദേശങ്ങള്‍ അംഗീകരിക്കാത്തതിനാലാണ് വില്‍പന നിര്‍ത്തിവയ്ക്കുന്നതെന്ന് അദ്ദേഹം പറഞ്ഞു.