ഡിഗ്രി അഡ്മിഷന്‍

ഓഗസ്റ്റ് എട്ടിന് നടന്ന എസ്.സിഎസ്.ടി വിഭാഗത്തിലുള്ളവരുടെ സ്‌പോട്ട് അഡ്മിഷന്‍ റാങ്ക് ലിസ്റ്റില്‍ ഉള്‍പ്പെട്ടവര്‍ ഓഗസ്റ്റ് ഒന്‍പതിന് കോളജുകളില്‍ ഹാജരായി അഡ്മിഷന്‍ എടുക്കണം.  ഏതെങ്കിലും കാരണവശാല്‍ എത്തിച്ചേരാന്‍ കഴിയാത്തവര്‍ പ്രിന്‍സിപ്പല്‍മാരെ അറിയിച്ച് ആഗസ്റ്റ് 10-നോ, 11-നോ അഡ്മിഷന്‍ നേടണം.

സീറ്റൊഴിവ്

കാര്യവട്ടം ഇസ്‌ലാമിക് സ്റ്റഡീസ് പഠനവകുപ്പില്‍ എം.എ ഇസ്ലാമിക് ഹിസ്റ്ററി കോഴ്‌സിന് പൊതു വിഭാഗത്തിലും പട്ടികജാതിപട്ടികവര്‍ഗ വിഭാഗത്തിലും മറ്റ് സംവരണ വിഭാഗങ്ങളിലേക്കുമുള്ള ഒഴിവുള്ള സീറ്റുകളിലേക്ക് നിശ്ചിത യോഗ്യതയുള്ളവര്‍ക്ക് ആഗസ്റ്റ് 16-നകം അപേക്ഷിക്കാം.  യോഗ്യത: ഏതെങ്കിലും വിഷയത്തില്‍ ബിരുദം. ഇസ്‌ലാമിക് ചരിത്രത്തിന് മുന്‍ഗണന.  യോഗ്യരായ അപേക്ഷകര്‍ക്ക് ഓഗസ്റ്റ് 17 രാവിലെ 10 മണിക്ക് പഠനവകുപ്പില്‍ പ്രവേശനപ്പരീക്ഷ നടത്തും. ഫോണ്‍ 0471-2308115, 9745693024.

കാര്യവട്ടം ഫിലോസഫി പഠനവകുപ്പില്‍ എം.എ ഫിലോസഫി കോഴ്‌സിന് (2016 അഡ്മിഷന്‍) പട്ടികജാതിപട്ടികവര്‍ഗ്ഗ വിഭാഗത്തില്‍ ഓരോ സീറ്റ് വീതം ഒഴിവുണ്ട്.  താല്‍പര്യമുള്ള യോഗ്യരായവര്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി ഓഗസ്റ്റ് 16-നകം വകുപ്പുമായി ബന്ധപ്പെടുക.  ഫോണ്‍ 0471-2308746. കാര്യവട്ടം അറബിക് പഠനവകുപ്പില്‍ എം.എ അറബിക് (സി.എസ്.എസ് - 2016-18) കോഴ്‌സിന് സീറ്റൊഴിവുണ്ട്.  താല്‍പര്യമുള്ളവര്‍ മാര്‍ക്ക്‌ലിസ്റ്റ് എല്ലാ അസ്സല്‍ സര്‍ട്ടിഫിക്കറ്റുകളും സഹിതം ഓഗസ്റ്റ് 17 വൈകുന്നേരം അഞ്ചുമണിക്ക് വകുപ്പില്‍ ഹാജരാകണം.  

എം.ബി.ബി.എസ് പരീക്ഷ

ഓഗസ്റ്റ് 31-ന് തുടങ്ങുന്ന മൂന്നാം എം.ബി.ബി.എസ് (പാര്‍ട്ട് രണ്ട്) പരീക്ഷയ്ക്ക് പിഴകൂടാതെ ഓഗസ്റ്റ് 12 (50 രൂപ പിഴയോടെ ഓഗസ്റ്റ് 17, 250 രൂപ പിഴയോടെ ഓഗസ്റ്റ് 18) വരെ അപേക്ഷിക്കാം.

എല്‍.എല്‍.ബി:
സൂക്ഷ്മപരിശോധന

ജനുവരിയില്‍ നടത്തിയ രണ്ടാം സെമസ്റ്റര്‍ എല്‍.എല്‍.ബി യൂണിറ്ററി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവര്‍ ഓഗസ്റ്റ് ഒന്‍പത് മുതല്‍ 18 വരെയുള്ള  പ്രവൃത്തി ദിവസങ്ങളില്‍ വൈകുന്നേരം മൂന്ന് മുതല്‍ അഞ്ചുമണിവരെയുള്ള സമയം ഹാള്‍ടിക്കറ്റും തിരിച്ചറിയല്‍ രേഖയുമായി പുനര്‍മൂല്യനിര്‍ണയ വിഭാഗത്തില്‍ ഹാജരാകണം.