കുന്നൂര്‍: പൊലിസില്‍ ജോലി തരപ്പെടുത്തി നല്‍കാമെന്നു വാഗ്ദാനം നല്‍കി കോത്തഗിരി സ്വദേശിയില്‍ നിന്ന് നാലു ലക്ഷം രൂപ തട്ടിയ സംഭവത്തില്‍ മുന്‍ പൊലിസ് ഉദ്യോഗസ്ഥന്‍ അറസ്റ്റില്‍.
തമിഴ്‌നാട് പൊലിസില്‍ നിന്ന് വിരമിച്ച കല്ലട്ടി സ്വദേശി നടരാജാണ് അറസ്റ്റിലായത്. കോത്തഗിരി സ്വദേശി രാജാമണിയാണ് തട്ടിപ്പിനിരയായത്. തനിക്ക് പൊലിസ് അധികാരികളുമായി ബന്ധമുണ്ടെന്നും മകന് ജോലി തരപ്പെടുത്തി നല്‍കാമെന്നും വിശ്വസിപ്പിച്ച് ഇയാള്‍ രാജാമണിയില്‍ നിന്ന് നാലു ലക്ഷം രൂപ വാങ്ങിയിരുന്നു. പണം നല്‍കിയിട്ടും ജോലി തരപ്പെടുത്താത്തതില്‍ സംശയം തോന്നിയ രാജാമണി പിന്നീട് കോത്തഗിരി പൊലിസില്‍ പരാതി നല്‍കുകയായിരുന്നു. കൊയമ്പത്തൂരില്‍ നിന്നാണ് ഇയാള്‍ പിടിയിലായത്.