കൊല്ലം: പഴയകാല നവോഥാന പ്രസ്ഥാനങ്ങള്‍ ജാതിയുടെയോ മതത്തിന്റെയോ വേലിക്കെട്ടില്‍ ഒതുങ്ങുന്നതായിരുന്നില്ലെന്നും ദൗര്‍ഭാഗ്യവശാല്‍ ചില കേന്ദ്രങ്ങള്‍ നവോത്ഥാനത്തിന്റെ പേരില്‍ ജാതിമത വിഭാഗീയതകള്‍ വളര്‍ത്തുവാന്‍ ശ്രമിക്കുന്നുവെന്നും എന്‍.കെ പ്രേമചന്ദ്രന്‍ എം പി അഭിപ്രായപ്പെട്ടു. 1930 കാലഘട്ടങ്ങളില്‍ തന്നെ കേരളത്തില്‍ സവര്‍ണ അവര്‍ണ വ്യത്യാസങ്ങള്‍ കുഴിച്ചു മൂടപ്പെട്ടുവെന്നും അദ്ദേഹം പറഞ്ഞു.
പി.എസ് രാജേന്ദ്രന്റെ 4ാം ചരമ വാര്‍ഷികത്തോടനുബന്ധിച്ച് പി.എസ് രാജേന്ദ്രന്‍ ഫൗണ്ടേഷന്‍ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഫൗണ്ടേഷന്‍ പ്രസിഡന്റ് കോയിവിള രാമചന്ദ്രന്‍ അധ്യക്ഷനായി. പി രാമഭദ്രന്‍, എസ് സുവര്‍ണകുമാര്‍, ആര്‍ കെ ശശിധരന്‍പിള്ള, പ്രൊഫ. ജി മോഹന്‍ദാസ്, എന്‍ മോഹനന്‍, എസ് ശ്രീകുമാര്‍, ആദിക്കാട് മധു, മംഗലത്ത് രാഘവന്‍, മുഖത്തല സുഗതന്‍, എം.എം സഞ്ജീവ് കുമാര്‍, പട്ടത്താനം ജോര്‍ജ്ജ് സംസാരിച്ചു.