മയ്യില്‍: ന്യൂ വെല്‍ഫെയര്‍ സംഘത്തിന്റെ നേതൃത്വത്തില്‍ എസ്.എസ്.എല്‍.സി, പ്ലസ്ടു പൊതുപരീക്ഷകളില്‍ ഉന്നതവിജയം നേടിയ വിദ്യാര്‍ഥികള്‍ക്ക് കാഷ് അവാര്‍ഡു നല്‍കി ആദരിച്ചു. മഴക്കാല രോഗങ്ങളെക്കുറിച്ചുള്ള ബോധവല്‍ക്കരണ ക്ലാസും നടന്നു. മയ്യില്‍ സബ് ഇന്‍സ്‌പെക്ടര്‍ ഫായിസ് അലി ഉദ്ഘാടനം ചെയ്തു. അബൂബക്കര്‍ മാസ്റ്റര്‍ കണ്ടക്കൈ അധ്യക്ഷനായി. വി മോഹനന്‍ മാസ്റ്റര്‍ ബോധവല്‍ക്കരണ ക്ലാസെടുത്തു. ശംഷാദ് ദാരിമി, പി.കെ അബൂയ മൗലവി, എം ഷീജ, ബശീര്‍ സംസാരിച്ചു.