മട്ടാഞ്ചേരി: പട്ടത്തിന്റെ നൂല്‍ കഴുത്തില്‍ കുടുങ്ങി ബൈക്ക് യാത്രികനായ യുവാവിന് പരുക്കേറ്റു. കപ്പലണ്ടിമുക്ക് കെ.ഇ ബാവ ലൈനില്‍ ടെരാസിം ഹംസ (32) ക്കാണ് പരുക്കേറ്റത്. ചൊവ്വാഴ്ച ഉച്ചയ്ക്ക് മുന്നിന് മട്ടാഞ്ചേരി ബസാറിലെ കാനറാ ബാങ്കിന് സമീപമായിരിന്നു സംഭവം.
ബൈക്കില്‍ വരുന്നതിനിടെ കഴുത്തില്‍ കുടുങ്ങിയ നൈലോണ്‍ നുല്‍ പൊട്ടിച്ച് മാറ്റാന്‍ ശ്രമിക്കുന്നതിനിടെ കൈ മുറിഞ്ഞു. സമീപത്തെ തൊഴിലാളികള്‍ ചേര്‍ന്നാണ് യുവാവിനെ ആശുപത്രിയില്‍ എത്തിച്ചത്. ഗുരുതരമായി മുറിവേറ്റതിനെ തുടര്‍ന്ന് കൈയില്‍ ആറ് തുന്നലുണ്ട്.