മഞ്ചേശ്വരം: രാത്രി സംശയാസ്പദമായ സാഹചര്യത്തില്‍ റോഡരികില്‍ കണ്ട കാര്‍ പരിശോധിക്കുന്നതിനിടെ പൊലിസ് കഞ്ചാവു കണ്ടെത്തി.
ഇതിനെ തുടര്‍ന്ന് പൊലിസിനെ തള്ളിയിട്ട് മൂന്നംഗസംഘം രക്ഷപ്പെട്ടു. ഒരാളെ പിന്തുടര്‍ന്ന് പൊലിസ് പിടികൂടി. കാറിനകത്ത് 120 ഗ്രാം കഞ്ചാവാണ് ഉണ്ടായിരുന്നത്. ഞായറാഴ്ച്ച രാത്രി എട്ടു മണിയോടെ തൂമിനാട്ടിലാണ് സംഭവം. ഇടുങ്ങിയ റോഡരികില്‍ നിര്‍ത്തിയിട്ട കാര്‍ മഞ്ചേശ്വരം പൊലിസ് പരിശോധിക്കുന്നതിനിടെയാണ് മൂന്നംഗ സംഘം പൊലിസുകാരെ തള്ളിയിട്ട് ഓടിക്കളഞ്ഞത്. സംഘത്തിലെ ഒരു യുവാവിനെ പൊലിസ് പിന്തുടര്‍ന്ന് പിടികൂടി. പുച്ചത്തുബയലിലെ യാസിര്‍ (21) ആണ് പിടിയിലായത്.