പാലക്കാട്: ഉന്നതതല ഗൂഢാലോചനയെ തുടര്‍ന്ന് ലോക അത്‌ലറ്റിക് ചാംപ്യന്‍ഷിപ്പിലെ അവസരം നഷ്ടപ്പെട്ട പി.യു ചിത്രയുടെ നിയമ പോരാട്ടങ്ങള്‍ക്ക് പിന്തുണയര്‍പ്പിച്ച് ഫറ്റേണിറ്റി മൂവ്‌മെന്റ് കോട്ടമൈതാനത്ത് പ്രതിഷേധ ഓട്ടംനടത്തി. അഞ്ചുവിളക്ക് പരിസരത്തുനിന്ന് മുന്‍ ഇന്ത്യന്‍ ഫുട്‌ബോള്‍ താരം മുഹമ്മദ് ഹകീം ഫളാഗ് ഓഫ് നിര്‍വഹിച്ച പ്രതിഷേധ ഓട്ടം മൈതാനം ചുറ്റി മുന്‍സിപ്പല്‍ ഓഫിസ് പരിസരത്ത് സമാപിച്ചു. തുടര്‍ന്ന് നടന്ന പ്രതിഷേധ പൊതുയോഗം ജംഷീല്‍ അബൂബക്കര്‍ ഉദ്ഘാടനം ചെയ്തു. റഷാദ് പുതുനഗരം അധ്യക്ഷനായി. 

ചിത്രയുടെ നീതിക്കായി ഒറ്റയാള്‍ പോരാട്ടം നയിച്ച നാരായണസ്വാമി, റഫറി കാജ ഹുസൈന്‍, നന്മ സാംസ്‌ക്കാരിക വേദി ചെയര്‍മാന്‍ അഫ്‌സല്‍, മുകേഷ് സംസാരിച്ചു. സതീഷ് മേപ്പറമ്പ്, വി.എം നൗഷാദ് ആലവി, രമേഷ്, കെ.എം സാബിര്‍ അഹ്‌സന്‍, സതീഷ് മേപ്പറമ്പ്, ഷഫീഖ് അജ്മല്‍, അഫ്‌സല്‍, സി.എം റഫീഅ, ഡോ. സാജിദ്, അക്ബറലി കൊല്ലങ്കോട്, അന്‍സര്‍ പത്തിരിപ്പാല, ഫിറോസ് എടത്തറ നേതൃത്വം നല്‍കി.