പുനലൂര്‍: ദേശീയപാത നവീകരണം ഏകീകൃതമായ പദ്ധതി രേഖ സമര്‍പ്പിക്കാന്‍ കഴിയാതെ അധികൃതര്‍ ഇരുട്ടില്‍ തപ്പുന്നു. കൊല്ലം തിരുമംഗലം ദേശീയ പാതയില്‍ പുനലൂര്‍ മുതല്‍ കോട്ടവാസല്‍ വരെ റോഡു നിര്‍മാണത്തിന് 60 കോടി രൂപ അനുവദിച്ചു.
അപകടാവസ്ഥയിലായ എം.എസ്.എല്‍ പ്രദേശത്തെ മരാമത്തു പ്രവൃത്തികളും പദ്ധതിയുടെ ഭാഗമാണ്. അപകടാവസ്ഥയിലായ പാലങ്ങള്‍ നവീകരിക്കുന്നതിനുംപ്രളയ സമയത്ത് തകര്‍ന്ന കല്‍ക്കെട്ടുകള്‍ പുനസ്ഥാപിക്കുന്നതിനുംപദ്ധതിയില്‍ തുക വകയിരുത്തി. എന്നാല്‍ ഈ ജോലികള്‍ക്ക് വെവ്വേറെ എസ്റ്റിമേറ്റുകള്‍ തയാറാക്കിയെങ്കിലും അന്തിമാനുമതി ലഭിച്ചില്ല. ആദ്യം 45 കോടിയുടെ എസ്റ്റിമേറ്റാണ് തയാറാക്കിയത്. എം.എസ്.എല്‍ ഭാഗത്തെ റോഡിനു് വീതി കൂട്ടലും പദ്ധതിയില്‍ ഉള്‍പ്പെടുത്തി. എങ്കിലും ഏത് രീതിയിലുള്ള നിര്‍മാണമാണെന്നുതീരുമാനിച്ചിട്ടില്ല. റോഡ് ടാര്‍ ചെയ്തു മോടി കൂട്ടും. വര്‍ഷങ്ങള്‍ക്ക് മുന്‍പാണ് പൂര്‍ണതോതിലുള്ള ടാറിംഗ് നടന്നത്. പല പ്രാവശ്യം അറ്റകുറ്റപണികള്‍ നടന്നിട്ടും ഫലപ്രദമായില്ല. നിര്‍മാണത്തിനു അന്തിമാനുമതി ലഭിക്കാന്‍ ആറു മാസമെടുക്കാം. ഭരണാനുമതി ലഭിച്ചെങ്കിലും സാങ്കേതിക അനുമതി കിട്ടിയിട്ടില്ല. ഇതു ലഭിച്ചാല്‍ മാത്രമേ ആവശ്യപ്പെട്ടുന്ന തുക കേന്ദ്രം നല്‍കും. എം.എസ്.എല്‍ ആര്യങ്കാവ്, തെന്മല ഭംഗങ്ങളിലെ പാര്‍ശ്വഭിത്തികള്‍ തല്‍സ്ഥിതി തുടരും.