കല്‍പ്പറ്റ: ജംഇയ്യത്തുല്‍ ഖുത്വബാഅ് ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലാ ഖുത്വബാഅ് സംഗമം ഇന്ന് രാവിലെ 10ന് സമസ്ത ജില്ലാ കാര്യാലയത്തില്‍ നടക്കും. മത പ്രബോധനത്തിന്റെ നൂതന സാധ്യതകള്‍ സംഗമത്തില്‍ ചര്‍ച്ച ചെയ്യും. സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്യും. ജംഇയ്യത്തുല്‍ ഖുത്വബാഅ് ജില്ലാ പ്രസിഡന്റ് വി. മൂസക്കോയ മുസ്്‌ലിയാര്‍ അധ്യക്ഷനാവും. 49 വര്‍ഷമായി ഉള്ളിശ്ശേരി മഹല്ലില്‍ ഖത്വീബായി സേവനം ചെയ്യുന്ന മൂസക്കോയ മുസ്്‌ലിയാരെ സംഗമത്തില്‍ ആദരിക്കും. ജംഇയ്യത്തുല്‍ ഖുത്വബാഇന്റെ മെമ്പര്‍ഷിപ്പ് കാംപയിനിന്റെ ഭാഗമായി ഖത്വീബുമാര്‍ക്കുള്ള അംഗത്വ ഫോറങ്ങള്‍ പൂരിപ്പിച്ച് ജില്ലാ സംഗമത്തില്‍ എത്തിക്കണമെന്ന് നേതാക്കള്‍ അറിയിച്ചു.