തൊട്ടില്‍പ്പാലം: അച്ചടി മാധ്യമരംഗത്ത് വിപ്ലവാത്മക നേട്ടം കൈവരിച്ച് നാലാം വര്‍ഷത്തിലേക്ക് കടക്കുന്ന സുപ്രഭാതം ദിനപത്രത്തിന്റെ വാര്‍ഷിക പ്രചാരണ കാംപയിനിന് കുറ്റ്യാടി റെയ്ഞ്ചില്‍ ആവേശോജ്ജ്വല തുടക്കം.
സമസ്ത മുഫത്തിശ് മുസ്തഫ ഫൈസി മദ്‌റസ മാനേജ്‌മെന്റ് അസോസിയേഷന്‍ പ്രസിഡന്റ് കെ.വി മൊയ്തു മാസ്റ്ററില്‍ നിന്ന് വാര്‍ഷിക വരിസംഖ്യ സ്വീകരിച്ചു കാംപയിന്‍ ഉദ്ഘാടനം ചെയ്തു. പ്രചരണപ്രവര്‍ത്തനങ്ങള്‍ റെയ്ഞ്ച് പരിധിയിലെ മുഴുവന്‍ മഹല്ലുകളിലും ഊര്‍ജിതമാക്കുന്നതിനാവശ്യമായ നടപടികള്‍ സ്വീകരിക്കാന്‍ യോഗം തീരുമാനിച്ചു. ഇതിനായി മേഖലയിലെ ഏജന്റുമാര്‍, സമസ്തയുടെയും കീഴ്ഘടകങ്ങളുടെയും ഭാരവാഹികള്‍, മഹല്ല് പ്രതിനിധികള്‍ എന്നിവരെ ഉള്‍പ്പെടുത്തി വിപുലമായ കണ്‍വന്‍ഷനുകള്‍ വിളിച്ചുചേര്‍ക്കും.
തൊട്ടില്‍പ്പാലം നജാത്തുല്‍ ഇസ്‌ലാം ഹയര്‍സെക്കന്‍ഡറി മദ്‌റസയില്‍ ചേര്‍ന്ന കാംപയിനും റെയ്ഞ്ച് മീറ്റും പ്രസിഡന്റ് ടി.വി.സി അബ്ദുസ്സമദ് ഫൈസി ഉദ്ഘാടനം ചെയ്തു. റെയ്ഞ്ച് ജനറല്‍ സെക്രട്ടറിയും സുപ്രഭാതം മേഖല കോ-ഓര്‍ഡിനേറ്ററുമായ അശ്‌റഫ് അമാനി പദ്ധതി വിശദീകരണം നടത്തി. മുഫത്തിശ് മുസ്തഫ ഫൈസി അധ്യക്ഷനായി. സമസ്ത മുദരിബ് ജഅ്ഫര്‍ വാഫി മുഖ്യപ്രഭാണം നടത്തി. സയ്യിദ് സ്വാലിഹ് തങ്ങള്‍ വടനാട് പ്രാര്‍ത്ഥനയും ഇര്‍ഷാദ് ഫൈസി ഖിറാഅത്തും നിര്‍വഹിച്ചു.
കെ.പി സൂപ്പി ഹാജി (മര്‍വ്വ), യു.കെ അബ്ദുല്‍ ഹമീദ് ഹാജി, കെ.വി മൊയ്തു മാസ്റ്റര്‍, ടി.എച്ച് അഹമ്മദ് മാസ്റ്റര്‍, കെ.വി കുഞ്ഞാലി മുസ്‌ലിയാര്‍, ഇ. അബ്ദുല്‍ അസീസ് മാസ്റ്റര്‍, ഇ.എ റഹ്മാന്‍, എടത്തില്‍ അമ്മദ്, സി.കെ അന്ത്രുഹാജി, കുഞ്ഞബ്ദുല്ല മുട്ടുനട, ഷൗക്കത്തലി മൗലവി സംസാരിച്ചു.