തളിപ്പറമ്പ്: വിദ്യാര്‍ഥികളില്‍ കൃഷിയില്‍ താല്‍പര്യമുണ്ടാക്കുക എന്ന ലക്ഷ്യത്തോടെ പൂമംഗലം യു.പി സ്‌കൂളില്‍ ആരംഭിച്ച വിഷരഹിത പച്ചക്കറി തോട്ടത്തില്‍ വിളഞ്ഞത് നൂറുമേനി. കുറുമാത്തൂര്‍ പഞ്ചായത്തിന്റെയും കൃഷിവകുപ്പിന്റെയും സഹായത്തോടെയാണ് സ്‌കൂളില്‍ കൃഷി ആരംഭിച്ചത്. വിദ്യാര്‍ഥികളുടെ കൃഷി പരിപാലനത്തില്‍ വെണ്ട, വഴുതന, പച്ചമുളക്, ചീര, കാബേജ് തുടങ്ങിയവ മികച്ച വിളവാണ് നല്‍കിയത്. വിളവെടുപ്പ് പഞ്ചായത്തംഗം പി. ഷീബ ഉദ്ഘാടനം ചെയ്തു. പ്രധാനാധ്യാപകന്‍ സത്യനാരായണന്‍, അധ്യാപകരായ എന്‍.പി റഷീദ്, അനു, റഊഫ് സംബന്ധിച്ചു.