വടക്കാഞ്ചേരി: ജില്ലാ ആശുപത്രിയില്‍ ചികിത്സക്കെത്തുന്ന നിര്‍ധന രോഗികള്‍ക്ക് ആവശ്യമായ ചികിത്സ ഉറപ്പ് വരുത്താന്‍ ആവശ്യമായ ഡോക്ടര്‍മാരേയും അനുബന്ധ ജീവനക്കാരേയും നിയമിക്കാന്‍ സര്‍ക്കാര്‍ അടിയന്തര നടപടികള്‍ കൈകൊള്ളണമെന്നും, ആംബുലന്‍സ് സേവനം 24 മണിക്കൂറും ജനങ്ങള്‍ക്ക് ഉപകാര പ്രദമാക്കാന്‍ നടപടി സ്വീകരിക്കണമെന്നും എ.ഐ.വൈ.എഫ് വടക്കാഞ്ചേരി ലോക്കല്‍ സമ്മേളനം സര്‍ക്കാരിനോട് ആവശ്യപ്പെട്ടു. രണ്ട് ഡ്രൈവര്‍മാര്‍ ആംബുലന്‍സിന് ഉണ്ടെങ്കിലും ജനങ്ങള്‍ സേവനം ലഭിക്കാതെ വലിയ ദുരിതത്തിലാണെന്നും സംഘടന കുറ്റപ്പെടുത്തി. എ.ഐ.വൈ.എഫ് ജില്ലാ ജോയിന്റ് സെക്രട്ടറി ഷാജി കാക്കശ്ശേരി ഉദ്ഘാടനം ചെയ്തു. വി.കെ ലിന്‍സന്‍ അധ്യക്ഷനായി. എം.എ വേലായുധന്‍, എം.എസ് അബ്ദുള്‍ റസാഖ്, എം.വി സുരേഷ് സംസാരിച്ചു. കെ.എ മഹേഷ് സ്വാഗതവും, പി.ജി സുധാകരന്‍ നന്ദിയും പറഞ്ഞു. ഭാരവാഹികളായി പി.ജി സുധാകരന്‍ (പ്രസിഡന്റ്), വി.കെ ലിന്‍സണ്‍ (സെക്രട്ടറി) എന്നിവരെ തെരഞ്ഞെടുത്തു.