തിരൂരങ്ങാടി: ജില്ലയുടെ വിവിധ ഭാഗങ്ങളില്‍ കഞ്ചാവ് മൊത്തവിതരണം നടത്തുന്ന   എക്‌സൈസ്  പിടികൂടി.
വെന്നിയൂരിലെ ഞാറക്കാട്ട് മാട്ടാന്‍ വീട്ടില്‍ റുലുവാ(22)നെയാണ് ഒന്നര കിലോഗ്രാം കഞ്ചാവുമായി എടരിക്കോട് ഗവ:യു.പി.സ്‌കൂളിന് സമീപത്തുനിന്നും പരപ്പനങ്ങാടി എക്‌സൈസ് റെയ്ഞ്ച് ഉദ്യോഗസ്ഥര്‍ പിടികൂടിയത്.
ചെറുകിട കച്ചവടക്കാര്‍ക്കും സ്‌കൂള്‍ വിദ്യാര്‍ഥികള്‍ക്കുമായി വിതരണം നടത്തുന്നതിനായി കോയമ്പത്തൂരില്‍ നിന്നും കൊണ്ടുവന്നതാണ് കഞ്ചാവെന്ന് എക്‌സൈസ് ഉദ്യോഗസ്ഥര്‍ പറഞ്ഞു. ഇയാളെ ഒരു മാസമായി ഉദ്യോഗസ്ഥര്‍ നീരീക്ഷിക്കുന്നുണ്ടായിരുന്നു. ആവശ്യക്കാരനാണെന്ന് പറഞ്ഞാണ് വലയിലാക്കിയത്.പരപ്പനങ്ങാടി മജിസ്‌ട്രേറ്റ് കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
എക്‌സൈസ് ഇന്‍സ്‌പെക്ടര്‍ അന്‍ഷാദ്,അസി.എക്‌സൈസ് ഇന്‍സ്‌പെക്ടര്‍ സുരേന്ദ്രന്‍,സിവില്‍ എക്‌സൈസ് ഓഫീസര്‍മാരായ പ്രദീപ് കുമാര്‍,ഷിജു കുമാര്‍,അബ്ദുസമദ്,യുസുഫലി എന്നിവരാണ് സംഘത്തിലുണ്ടായിരുന്നത്.