വള്ളിക്കുന്ന്: കൊടിഞ്ഞിയില്‍ ഇസ്‌ലാം മതം സ്വീകരിച്ചതിന്റെ പേരില്‍ കൊല ചെയ്യപ്പെട്ട ഫൈസല്‍ വധക്കേസിലെ പതിനാലാം പ്രതി പള്ളിപ്പടി തയ്യില്‍ അപ്പുവിന്റെ മകന്‍ ലിനീഷിനു കാറിടിച്ചു പരുക്കേറ്റു. ഇന്നലെ ഉച്ചയ്ക്കു മൂന്നരയോടെ കൊടക്കാട് ആലിന്‍ചുവട്ടില്‍വച്ചാണ് സംഭവം.
ലിനീഷ് സഞ്ചരിച്ചിരുന്ന ബൈക്കില്‍ ഗോള്‍ഡന്‍ കളര്‍ ഇന്നോവ കാര്‍ ഇടിക്കുകയായിരുന്നു. ജനങ്ങള്‍ ഓടികൂടുന്നതു കണ്ടിട്ടും വാഹനം നിര്‍ത്താതെപോയതായി പരാതിയുണ്ട്. നാലു പേരാണ് കാറില്‍ ഉണ്ടായിരുന്നത്. പരുക്കു പറ്റിയ ലിനീഷ് തിരൂര്‍ ജില്ലാ ആശുപത്രിയില്‍ ചികിത്സ തേടി.