താമരശ്ശേരി: വില്‍പ്പനക്കായി സൂക്ഷിച്ച 50 ഗ്രാം കഞ്ചാവുമായി മധ്യവയസ്‌കനെ എക്‌സൈസ് സംഘം പിടികൂടി. താമരശേരി ചുങ്കം ഇരുമ്പന്‍ചീടന്‍കുന്നുമ്മല്‍ മധു(66)ആണ് അറസ്റ്റിലായത്.  താമരശ്ശേരി പഴയ ബസ് സ്റ്റാന്‍ഡിലെ കംഫര്‍ട്ട് സ്റ്റേഷന്‍ നടത്തിപ്പ് ചുമതലക്കാരനായിരുന്നു ഇയാള്‍. വിദ്യാര്‍ഥികളുള്‍പ്പെടെ കഞ്ചാവിനായി ഇവിടെയെത്തുന്നുണ്ടെന്ന വിവരത്തെ തുടര്‍ന്ന് താമരശ്ശേരി എക്‌സൈസ് ഇന്‍സ്‌പെക്ടര്‍ പി.പി വേണുവും സംഘവും നടത്തിയ റെയ്ഡിലാണ് ഇയാള്‍ പഴയ ബസ് സ്റ്റാന്‍ഡ് പരിസരത്തുവെച്ച് അറസ്റ്റിലാകുന്നത്.  റെയ്ഡില്‍ അസി. എക്‌സൈസ് ഇന്‍സ്‌പെക്ടര്‍ സദാനന്ദന്‍, എക്‌സൈസ് ഇന്റലിജന്‍സ് പ്രിവന്റീവ് ഓഫിസര്‍ കെ. ഗിരീഷ്, സിവില്‍ എക്‌സൈസ് ഓഫിസര്‍മാരായ ജിനീഷ്, അശ്വന്ത് വിശ്വന്‍, വിവേക്, ഡ്രൈവര്‍ കൃഷ്ണന്‍ എന്നിവര്‍ പങ്കെടുത്തു.