പട്ടാമ്പി: വിദ്യാലയ പരിസരത്ത് നിരോധിത പുകയില വില്‍പന നടത്തിയ ആളെ പട്ടാമ്പി പൊലിസ് പിടികൂടി അറസ്റ്റ് ചെയ്തു. വിളയൂര്‍ മുഹമ്മദ് കുട്ടിയെന്ന മാനുവി(57)നെയാണ് അറസ്റ്റ് ചെയ്തത്. വിളയൂര്‍ ഗവ.യു.പി സ്‌കൂളിന് സമീപം പെട്ടിക്കട നടത്തുകയായിരുന്നു. കോടതിയില്‍ ഹാജരാക്കിയ ഇയാളെ 14 ദിവസത്തേക്ക് റിമാന്‍ഡ് ചെയ്തു. വിദ്യാര്‍ഥികള്‍ ഉള്‍പ്പെടെയുള്ളവരെ ലക്ഷ്യമാക്കിയാണ് ഇയാള്‍ വില്‍പന നടത്തിയിരുന്നതെന്ന് എസ്.ഐ അജീഷ് പറഞ്ഞു.