കാസര്‍കോട്: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പങ്കെടുക്കുന്ന ഹിന്ദു സമാജോത്സവ ചടങ്ങില്‍ കോണ്‍ഗ്രസ് നേതാക്കളോ യു.ഡി.എഫ് നേതൃത്വത്തില്‍ ഭരണം നടത്തുന്ന തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളോ സംബന്ധിക്കില്ലെന്ന് ഡി.സി.സി പ്രസിഡന്റ് ഹഖീം കുന്നില്‍ പറഞ്ഞു.
കുമ്പള, ബദിയടുക്ക പഞ്ചായത്ത് പ്രസിഡന്റുമാര്‍ ചടങ്ങില്‍ സംബന്ധിക്കുമെന്ന് സംഘ്പരിവാര്‍ സംഘടനകളുടെ ചില പ്രാദേശിക നേതാക്കള്‍ പ്രചാരണം നടത്തിയാല്‍ അതൊന്നും കോണ്‍ഗ്രസ് പാര്‍ട്ടിക്ക് കാര്യമാക്കേണ്ടതില്ല. ഇത്തരം നുണ പ്രചാരണങ്ങള്‍ക്ക് മറുപടി അര്‍ഹിക്കുന്നില്ലെന്നും ഹഖീം വ്യക്തമാക്കി.