കുറ്റ്യാടി: സ്വതന്ത്ര കര്‍ഷകസംഘം സംസ്ഥാന കമ്മിറ്റിയുടെ നേതൃത്വത്തില്‍ നടത്തുന്ന ഫാര്‍മേഴ്‌സ് പാര്‍ലമെന്റ് മാതൃകാപരവും അനുകരണീയവുമാണെന്നും പാണക്കാട് സാദിഖലി ശിഹാബ് തങ്ങള്‍. സ്വതന്ത്ര കര്‍ഷകസംഘം സംസ്ഥാന വ്യാപകമായി നടത്തുന്ന ഫാര്‍മേഴ്‌സ് പാര്‍ലമെന്റിന്റെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. തളീക്കരയില്‍ നടന്ന പരിപാടിയില്‍ സംസ്ഥാന പ്രസിഡന്റ് കുറുക്കോളി മൊയ്തീന്‍ അധ്യക്ഷനായി. ഹാജി കെ.എ പൊറോറ പതാക ഉയര്‍ത്തി. സംസ്ഥാന വൈസ് പ്രസിഡന്റ് പി. ശാദുലി മുഖ്യപ്രഭാഷണം നടത്തി.  സി.വി മൊയ്തീന്‍, കെ.കെ അബ്ദുറഹിമാന്‍ മാസ്റ്റര്‍, അഹമ്മദ് പുന്നക്കല്‍, സൂപ്പി നരിക്കാട്ടേരി, വി.പി കുഞ്ഞബ്ദുല്ല മാസ്റ്റര്‍, കെ.പി അമ്മദ്, കെ.കെ ഉമ്മര്‍ മാസ്റ്റര്‍, ഇ. മുഹമ്മദ് ബഷീര്‍, ഇ.എ റഹ്മാന്‍, ടി.പി.എം തങ്ങള്‍, വീരാന്‍കുട്ടി പ്രസംഗിച്ചു.
സംഘടനാ സെഷന്‍ സംസ്ഥാന സെക്രട്ടറി ശ്യാം സുന്ദര്‍ ഉദ്ഘാടനം ചെയ്തു. ഒ.പി മൊയ്തു അധ്യക്ഷനായി. കെ.കെ അന്ത്രു മാസ്റ്റര്‍, സി.കെ പോക്കര്‍ സംസാരിച്ചു. പാര്‍ലമെന്റില്‍ ഉയര്‍ന്നുവരുന്ന പരാതികള്‍ ഉന്നയിച്ച് പഞ്ചായത്ത്, മണ്ഡലം, ജില്ലാ, സംസ്ഥാന തലങ്ങളില്‍ ബന്ധപ്പെട്ട അധികാരികള്‍ക്ക് നിവേദനം സമര്‍പ്പിക്കും.