തിരൂരങ്ങാടി: തിരൂരങ്ങാടിയില്‍ നാലംഗ ചീട്ടുകളിസംഘം പിടിയില്‍. പള്ളിക്കല്‍ സ്വദേശി ഉണ്ണി(50), വെളിമുക്ക് സ്വദേശികളായ അയ്യപ്പന്‍(61), ഹമീദ്(41), അബ്ദുല്‍നാസര്‍(42) എന്നിവരെയാണ് തിരൂരങ്ങാടി എസ്.ഐ നൗഷാദ് ഇബ്രാഹിമിന്റെ നേതൃത്വത്തിലുള്ള പൊലിസ് സംഘം പിടികൂടിയത്. സംഭവസ്ഥലത്തുനിന്നും 5620 രൂപയും പൊലിസ് കണ്ടെടുത്തു. ഇന്നലെ വൈകീട്ട് ആറരയോടെ വെളിമുക്ക് കടുവാചിറ ക്ഷേത്രത്തിന് സമീപത്തെ വയലിലെ വാഴത്തോപ്പിലായിരുന്നു പണം വെച്ചുള്ള ചീട്ടുകളി. മഫ്തിയിലെത്തിയ പൊലിസിനെ കണ്ട് എട്ടംഗ സംഘം ഓടിരക്ഷപ്പെടാന്‍ ശ്രമിച്ചെങ്കിലും ഒരുകിലോമീറ്ററോളം പിന്തുടര്‍ന്നാണ് നാലുപേരെ പിടികൂടിയത്. ഞായറാഴ്ച വലിയപറമ്പില്‍ നിന്നും എട്ടുപേരടങ്ങുന്ന ചീട്ടുകളി സംഘത്തെ 52,780 രൂപ സഹിതം പൊലിസ് അറസ്റ്റ് ചെയ്തിരുന്നു.