രാജപുരം (കാസര്‍കോട്): അങ്കണവാടി വിട്ടു വീട്ടിലെത്തിയ നാലു വയസുകാരിയെ കാണാതായതായി പരാതി. പാണത്തൂര്‍ ബാപ്പുങ്കയം കോളണിയിലെ ഇബ്രാഹിമിന്റെയും ഹസീനയുടെയും മകള്‍ സന ഫാത്തിമയെയാണു കാണാതായത്.ഇന്നലെ വൈകുന്നേരം നാലോടെയാണു സംഭവം.
കനത്ത മഴയുണ്ടായതിനാല്‍ വീടിനു സമീപത്തെ തോട്ടിലെ ഒഴുക്കില്‍പ്പെട്ടുവെന്ന സംശയത്തെ തുടര്‍ന്ന് ഫയര്‍ഫോഴ്‌സും സ്ഥലത്തെത്തി തിരച്ചില്‍ നടത്തി. രാജപുരം പൊലിസും സ്ഥലത്തെത്തി.
നാട്ടുകാരുടെ സഹായത്തോടെ രാത്രി ഒന്‍പതു വരെ തിരച്ചില്‍ തുടര്‍ന്നെങ്കിലും കണ്ടെത്താനായില്ല.
തോട്ടിലെ ഓടയില്‍ കുടുങ്ങിക്കാണുമോയെന്ന സംശയത്തെത്തുടര്‍ന്നു മണ്ണുമാന്തി കൊണ്ടുവന്ന് ഓട നീക്കി പരിശോധന നടത്തിയെങ്കിലും കണ്ടെത്താനായില്ല.
അതിനിടെ കുഞ്ഞിനെ തട്ടിക്കൊണ്ടു പോയെന്ന പ്രചരണവും ശക്തമായതോടെ പൊലിസ് വിവിധ കേന്ദ്രങ്ങളിലേക്കു വിവരം കൈമാറിയിട്ടുണ്ട്.