ന്യൂഡല്‍ഹി: പൗരത്വ നിയമ ഭേദഗതി പിന്‍വലിക്കണമെന്നും നിയമത്തിനെതിരേ ഡല്‍ഹിയില്‍ സമരം നടത്തിയ വിദ്യാര്‍ഥികള്‍ക്കു നേരെയുണ്ടായ അക്രമം അന്വേഷിക്കണമെന്നും ആവശ്യപ്പെട്ട് ബി.എസ്.പി നേതാക്കള്‍ രാഷ്ട്രപതിയെ കണ്ടു. പാര്‍ട്ടി ജനറല്‍ സെക്രട്ടറി സതീഷ് ചന്ദ്ര മിശ്ര, പാര്‍ലമെന്ററി പാര്‍ട്ടി നേതാവ് ഡാനിഷ് അലി എന്നിവരുടെ നേതൃത്വത്തിലാണ് രാഷ്ട്രപതിയെ കണ്ടത്.
ഇതേ ആവശ്യങ്ങളുന്നയിച്ച് കോണ്‍ഗ്രസ് അധ്യക്ഷ സോണിയാ ഗാന്ധിയുടെ നേതൃത്വത്തിലുള്ള പ്രതിപക്ഷ പാര്‍ട്ടി പ്രതിനിധികള്‍ കഴിഞ്ഞ ദിവസം രാഷ്ട്രപതിയെ കണ്ടിരുന്നു.