തളിപ്പറമ്പ്: പരിയാരത്ത് സര്‍ക്കാര്‍ ഭൂമി കൈയേറി നിര്‍മിച്ച മതില്‍ പൊളിച്ചുനീക്കി. വ്യാഴാഴ്ച വൈകുന്നേരത്തോടെ കൈയേറ്റം നടത്തിയവര്‍ തന്നെയാണ് മതില്‍ പൊളിച്ചുനീക്കിയത്.
മെഡിക്കല്‍ കോളജ് അധികൃതരുടെ പരാതിയെ തുടര്‍ന്ന് നടത്തിയ പരിശോധനയില്‍ സ്ഥലം കൈയേറിയതായി വ്യക്തമായതിനാല്‍ അധികൃതര്‍ സ്ഥലം പിടിച്ചെടുത്തിരുന്നു.
മതില്‍ പൊളിച്ചുനീക്കാന്‍ റവ ന്യൂ അധികൃതര്‍ കഴിഞ്ഞ ദിവസം നിര്‍ദേശം നല്‍കിയിരുന്നു. മെഡിക്കല്‍ കോളജിന്റെ പുറകുവശത്തെ 50 സെന്റോളം സ്ഥലമാണ് കണ്ണൂര്‍ താലൂക്ക് സര്‍വേയര്‍ ജിജി ഫിലിപ്പിന്റെ നേതൃത്വത്തിലുള്ള സംഘം കഴിഞ്ഞ ദിവസം അളന്ന് തിട്ടപ്പെടുത്തിയത്. സര്‍വേ നമ്പര്‍ 27172ല്‍ ഉള്‍പ്പെടുന്ന സ്ഥലത്ത് കൈയേറ്റം നടന്നതായി കണ്ടെത്തിയതിനെ തുടര്‍ന്നാണ് നടപടി.