തിരുവനന്തപുരം: അപേക്ഷിച്ചിട്ടും നാളിതുവരെ പ്രവേശനം ലഭിക്കാത്ത വിദ്യാര്‍ഥികള്‍ക്കുള്ള റാങ്ക് ലിസ്റ്റ് www.hscap.kerala.gov.inല്‍ ഇന്നു രാവിലെ  രാവിലെ ഒന്‍പതിന് പ്രസിദ്ധീകരിക്കും. അപേക്ഷകര്‍ 12 മണിക്കു മുന്‍പ് അസല്‍രേഖകളും ഫീസുമായി പ്രവേശനം ലഭിച്ച സ്‌കൂളില്‍ റിപ്പോര്‍ട്ട് ചെയ്യണം.

പ്രിന്‍സിപ്പല്‍മാര്‍ ഉച്ചക്ക് ഒരു മണിക്കുള്ളില്‍ പ്രവേശനം പൂര്‍ത്തിയാക്കണം. സ്‌പോട്ട് അഡ്മിഷനു ശേഷമുള്ള വേക്കന്‍സി നാളെ 10 മണിക്ക് അഡ്മിഷന്‍ വെബ്‌സൈറ്റില്‍ പ്രസിദ്ധീകരിക്കും. സ്‌കൂള്‍ കോമ്പിനേഷന്‍ മാറ്റത്തിനായുള്ള വേക്കന്‍സിയില്‍ നാളിതുവരെ മെരിറ്റ് ക്വാട്ടയിലും സ്‌പോര്‍ട്‌സ് ക്വാട്ടയിലും പ്രവേശനം നേടിയവര്‍ക്ക് ആവശ്യമെങ്കില്‍ ജില്ല, ജില്ലാന്തര സ്‌കൂള്‍ കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിന് അപേക്ഷിക്കാന്‍ ഒരവസരം കൂടി നല്‍കും. ഇതിനായി പ്രവേശനം നേടിയ സ്‌കൂള്‍ പ്രിന്‍സിപ്പലിന് നാളെ 10 മണി മുതല്‍ 12ന് ഉച്ചയ്ക്ക് മൂന്നു മണി വരെ നിശ്ചിത മാതൃകയിലുള്ള അപേക്ഷ സമര്‍പ്പിക്കാം. ഹയര്‍ സെക്കന്‍ഡറി ട്രാന്‍സ്ഫര്‍ അലോട്ട്‌മെന്റ് റിസല്‍ട്ട് 16ന് 10 മുതല്‍ പ്രവേശനം സാധ്യമാകത്തക്ക വിധം പ്രസിദ്ധപ്പെടുത്തുന്നതാണെന്നും ഹയര്‍ സെക്കന്‍ഡറി ഡയറക്ടര്‍ അറിയിച്ചു.