മുക്കം: വൈകല്യങ്ങളെ പൊരുതി തോല്‍പ്പിച്ച ഭിന്നശേഷി വിദ്യാര്‍ഥിയും സംസ്ഥാന സര്‍ക്കാറിന്റെ ഉജ്വല ബാല്യം പുരസ്‌കാര ജേതാവുമായ മുഹമ്മദ് ആസിം വെളിമണ്ണക്ക് പന്നിക്കോട് ലൗഷോര്‍ സ്‌പെഷ്യല്‍ സ്‌കൂള്‍ ഇലക്ട്രിക് വീല്‍ചെയര്‍ നല്‍കി.
യാത്ര ചെയ്യാനുള്ള പ്രയാസം ആസിം ഒരു പരിപാടിക്കിടെ ലൗഷോര്‍ സ്‌പെഷല്‍ സ്‌കൂള്‍ ജനറല്‍ സെക്രട്ടറി യു.എ മുനീറിനോട് പങ്കു വെച്ചതോടെയാണ് സ്വപ്ന സാക്ഷാത്കാരത്തിന് വഴിയൊരുങ്ങിയത്. യു.എ മുനീര്‍ ആവശ്യം ജീവകാരുണ്യ പ്രവര്‍ത്തകനായ എ.പി ശംസുദ്ധീന്‍ കല്‍പകഞ്ചേരിയെ അറിയിക്കുകയും രണ്ടു ലക്ഷത്തോളം രൂപ വിലയുള്ള ഇലക്ട്രിക് വീല്‍ചെയര്‍ നല്‍കാന്‍ അദ്ദേഹം സന്നദ്ധമാവുകയുമായിരുന്നു.
ലൗഷോര്‍ സ്‌കൂളില്‍ നടന്ന ചടങ്ങില്‍ എ.പി അബ്ദു സുബ്ഹാന്‍ ആസിമിന് വീല്‍ചെയര്‍ കൈമാറി. ലബീബ് കല്‍പകഞ്ചേരി, യു.എ മുനീര്‍, റഷീഫ് കണിയാത്ത്, ബംഗാളത്ത് അബ്ദുറഹിമാന്‍, ലൈസ് ചേന്ദമംഗലൂര്‍, സൈദ് വെളിമണ്ണ, സുഹൈല്‍, കാകീരി അബ്ദുല്ല, സി.പി സാദിഖ് റഹ്മാന്‍, യു. ആമിന, ഷര്‍ജാസ് റഹ്മാന്‍, ഹരിദാസന്‍ സംസാരിച്ചു.