ആലപ്പുഴ: ഇന്ത്യന്‍ ബ്രദര്‍ഹുഡ് മജീഷ്യന്‍സ് സാര്‍ക്ക് രാജ്യങ്ങളിലെ മാന്ത്രികര്‍ക്കായി ഡല്‍ഹിയില്‍ നടത്തിയ സമ്മേളനത്തിലെ പ്രകടനത്തിന് മനു മങ്കൊമ്പിന് ഗിന്നസ് റെക്കോര്‍ഡ് ലഭിച്ചു. രണ്ട് മിനിട്ട് സമയപരിധിയിനത്തിലെ മത്സരത്തിലാണ് മനുവിന് ഗിന്നസ് റെക്കോര്‍ഡ് ലഭിച്ചത്.
വായ്ക്കുള്ളില്‍ നിന്ന് 136 മൂര്‍ച്ചയേറിയ ബ്ലേഡുകള്‍ പുറത്തെടുത്താണ് റെക്കോര്‍ഡില്‍ മനു ഇടം നേടിയത്. ഈ പ്രകടനത്തിന് ഇന്ത്യയിലെ മികച്ച മാന്ത്രികര്‍ക്കുള്ള പുരസ്‌ക്കാരങ്ങളിലൊന്നായ ജാദുശിരോമണി പുരസ്‌ക്കാരവും മനുവിന് ലഭിച്ചു. 24 വര്‍ഷമായി മാന്ത്രികരംഗത്തുള്ള മനു ഇതിനോടകം 718 ഫയര്‍ എസ്‌കേപ്പുകള്‍ നടത്തിയിട്ടുണ്ട്.
മാന്ത്രിക വിദ്യയ്‌ക്കൊപ്പം വ്യത്യസ്തങ്ങളായ സാമൂഹ്യബോധവത്ക്കരണ പരിപാടിയും ഇതിനോടകം ഈ കലാകാരന്‍ നടത്തി കഴിഞ്ഞു.