ന്യൂഡല്‍ഹി: രാജ്യത്തെ അന്വേഷണ ഏജന്‍സികളുടെ ആദ്യ ദേശീയസമ്മേളനം  12, 13 തിയതികളില്‍ ന്യൂഡല്‍ഹിയിലെ വിഗ്യാന്‍ ഭവനില്‍ നടക്കും. ബ്യൂറോ ഓഫ് പൊലിസ് റിസര്‍ച്ച് ആന്‍ഡ് ഡവലപ്‌മെന്റും ദേശീയ അന്വേഷണ ഏജന്‍സിയും സംയുക്തമായാണ് സമ്മേളനം സംഘടിപ്പിക്കുന്നത്. സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും കേന്ദ്ര പൊലിസ് സംഘടനകളുടെയും ഡയറക്ടര്‍ ജനറല്‍മാര്‍, ക്രൈം ബ്രാഞ്ചുകളുടെയും ആന്റി ടെററിസം സ്‌ക്വാഡ്, സാമ്പത്തിക കുറ്റാന്വേഷണ വിഭാഗം തുടങ്ങിയവയുടെ മേധാവികള്‍ തുടങ്ങിയവര്‍ സമ്മേളനത്തില്‍ പങ്കെടുക്കും. കുറ്റാന്വേഷണത്തിലെ മികച്ച മാതൃകകള്‍ വിവിധ സെഷനുകളില്‍ അവതരിപ്പിക്കും.