ഒലവക്കോട്: എസ്.ബി.ടി, എസ്.ബി.ഐ ലയനത്തിന്റെ ഭാഗമായി ജില്ലയില്‍ അടച്ചുപൂട്ടാന്‍ തീരുമാനിച്ചിരുന്ന എട്ട് എസ്.ബി.ടി ശാഖകളില്‍ മൂന്നെണ്ണം പൂട്ടാനൊരുങ്ങുന്നു. ചന്ദ്രനഗര്‍, കല്‍പാത്തി, കൊടുവായൂര്‍ എന്നിവിടങ്ങളിലെ ശാഖകളാണ് പൂട്ടുന്നത്. 28 ഓടെയാണ് ഇത് നടപ്പാക്കുക. പൂട്ടുന്നത് സംബന്ധിച്ച്  മൂന്ന് ശാഖകള്‍ക്കും നോട്ടിസ് ലഭിച്ചു.
1961 ലാണ് എസ്.ബി.ടി ചന്ദ്രനഗര്‍ ശാഖ തുടങ്ങുന്നത്. പാലക്കാട് മെയിന്‍ ബ്രാഞ്ചിന് ശേഷം തുടങ്ങിയ ശാഖയാണിത്. പന്ത്രണ്ടായിരത്തിലധികം ഇടപാടുകാരാണ് ഈ ശാഖയിലുള്ളത്. ഈ ശാഖ ഇടപാടുകാരുടെ സൗകര്യാര്‍ഥം മണപ്പുള്ളിക്കാവിലേക്ക് മാറ്റുന്നത് പരിഗണിക്കണമെന്ന് ജീവനക്കാരടക്കം ആവശ്യപ്പെടുന്നുണ്ട്.
1960കളില്‍ തുടങ്ങിയ കൊടുവായൂര്‍ ശാഖക്കും പൂട്ടാന്‍ നിര്‍ദേശം ലഭിച്ചിട്ടുണ്ട്.