പൊന്നാനി : പൊന്നാനിയില്‍ കള്ളന്മാരുടെ ശല്യം രൂക്ഷം. കൊല്ലന്‍പ്പടി, കറുകത്തിരുത്തി, ടീബി ആശുപത്രി, ആനപ്പടി എന്നീ പ്രദേശങ്ങളിലാണ് കള്ളന്മാരുടെ ശല്യം എറ്റവും കൂടുതല്‍ രൂക്ഷമായിട്ടുള്ളത്. ആളില്ലാത്ത വീട് കേന്ദ്രകരിച്ചാണ് കൂടുതലും മോഷണം നടക്കാറ്.  പകല്‍ സമയത്ത് ആള്‍ത്താമസം ഇല്ലാത്ത വീടിന്റെ ചുറ്റിലും വീക്ഷിച്ച് പുലര്‍ച്ചെ മൂന്നോടെയാണ് മോഷണം നടത്തുന്നതെന്നാണ് പൊലിസ് കണ്ടെത്തല്‍.
കഴിഞ്ഞ ദിവസം ആനപ്പടിയിലെ ഒരു  വീട്ടില്‍ നിന്ന് അഞ്ചുപവനും ഒരുലക്ഷം രൂപയും മോഷണം പോയി. വീട്ടുകാര്‍ ബന്ധു വീട്ടിലേക്ക് വിരുന്ന് പോയ സമയത്താണ് മോഷണം നടന്നത്. ആഭരണങ്ങളും പൈസയു മാത്രമല്ല ഫ്രിഡ്ജില്‍ സൂക്ഷിച്ചിരുന്ന ഫ്രൂട്ട്‌സും പാലും ഓക്കേ അകത്താക്കിയാണ് കള്ളന്‍ പോയിരിക്കുന്നതെന്നാണ് വീട്ടുകാരുടെ മൊഴി. വീട്ടുകാരുടെ പരാതിയില്‍ പൊന്നാനി പൊലിസ് കേസെടുത്തു.