കോഴിക്കോട്: സുന്നി മഹല്ല് ഫെഡറേഷന്‍ ജില്ലാ സാരഥി സംഗമം പ്രതിനിധികളുടെ സാന്നിധ്യംകൊണ്ടും നേതാക്കളുടെ പ്രസംഗങ്ങള്‍ കൊണ്ടും ശ്രദ്ധേയമായി.
ആയിരത്തോളം മഹല്ല് ഭാരവാഹികള്‍ പങ്കെടുത്ത പരിപാടി സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. ജില്ലാ പ്രസിഡന്റ് ആര്‍.വി കുട്ടിഹസന്‍ ദാരിമി അധ്യക്ഷനായി. ജില്ലയില്‍ 25 ആര്‍.പിമാര്‍ക്ക് സയ്യിദ് മുബഷിര്‍ തങ്ങള്‍ ജമലുല്ലൈലി ഉപഹാരം നല്‍കി. ഉമര്‍ ഫൈസി മുക്കം (സംഘടനയുടെ വഴി), പിണങ്ങോട് അബൂബക്കര്‍ (അമാനത്തും ബാധ്യതയും), മുനീര്‍ ഹുദവി ഫറോക്ക് (നല്ല മഹല്ല്), ഹക്കീം മാസ്റ്റര്‍ മാടക്കാല്‍ (നേതൃചിന്തകള്‍), നാസര്‍ ഫൈസി കൂടത്തായി (കര്‍മരേഖ) എന്നിവര്‍ ക്ലാസെടുത്തു. വി. മോയിമോന്‍ ഹാജി പതാക ഉയര്‍ത്തി. സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, എ.പി.പി തങ്ങള്‍, സി.എച്ച് മഹ്മൂദ് സഅദി, എം.സി മായിന്‍ ഹാജി, ഒളവണ്ണ അബൂബക്കര്‍ ദാരിമി, മുജീബ് റഹ്മാന്‍ പാണ്ടികശാല, കെ.പി കോയ, വരയാലില്‍ മൊയ്തു ഹാജി, വി. അബ്ദുറഹ്മാന്‍ മാസ്റ്റര്‍, ടി.എന്‍ ഹനീഫ ഹാജി, ടി.വി.സി സമദ് ഫൈസി, ഒ.പി അശ്‌റഫ്, നടുക്കണ്ടി അബൂബക്കര്‍, ഇ.ടി അസീസ് ദാരിമി, കെ. മരക്കാര്‍ ഹാജി, അസയിനാര്‍ ഫൈസി, എന്‍.കെ യൂസുഫ് ഹാജി, ശുക്കൂര്‍ മാസ്റ്റര്‍, സിംല മൂസക്കോയ, അബൂബക്കര്‍ വഹബി, വാഴയില്‍ ലത്തീഫ് ഹാജി സംസാരിച്ചു. സെക്രട്ടറി സലാം ഫൈസി മുക്കം സ്വാഗതവും ജോ. സെക്രട്ടറി സി. മുഹമ്മദ് അബ്ദുറഹ്മാന്‍ മാസ്റ്റര്‍ നന്ദിയും പറഞ്ഞു.