റിപ്പണ്‍: രഹസ്യ വിവരത്തിന്റെ അടിസ്ഥാനത്തില്‍ എക്‌സൈസ് നടത്തിയ റെയ്ഡില്‍ 360 ലിറ്റര്‍ വാഷും വാറ്റുപകരണങ്ങളും പിടികൂടി.
റിപ്പണ്‍-വാളത്തൂരില്‍ സ്വാകര്യകെട്ടിടത്തിന്റെ അടുക്കളയില്‍ നിന്നാണ് കല്‍പ്പറ്റ എക്‌സൈസ് സര്‍ക്കിള്‍ ഇന്‍സ്പക്ട്ര്‍ ടി.ജി ടോമിയുടെ നേതൃത്വത്തിലുള്ള എക്‌സൈസ് സംഘം ചാരായം വാറ്റാന്‍ പാകപ്പെടുത്തിയ വാഷ് പിടികൂടിയത്. കോഴിക്കോട് സ്വദേശിയുടേതാണ് ഈ കെട്ടിടം. ഇത് നോക്കാന്‍ ഏല്‍പ്പിച്ചുന്ന മേപ്പാടി സ്വദേശി മലയില്‍ അനീഷ് എന്നയാളുടെ പേരില്‍ വാഷും വാറ്റുപകരണങ്ങളും കൈകാര്യം ചെയ്തതിന് എക്‌സൈസ് കേസെടുത്തു. റെയ്ഡില്‍ ഫോറസ്റ്റ് വടേരി സെക്ഷന്‍ ഓഫിസിലെ ബീറ്റ്‌ഫോറസ്റ്റ് ഓഫിസര്‍ വി.കെ ദാമോദരന്‍, വാച്ചര്‍ ബാബു, എക്‌സൈസ് ഇന്റലിജന്റ്‌സ് ഇന്‍സ്‌പെക്ടര്‍ എം.കെ സുനില്‍, പ്രിവന്റീവ് ഓഫിസര്‍മാരായ കെ. രമേഷ്, കെ. മനോഹരന്‍, സി.ഇ.ഒമാരായ വി. രഘു, കെ.കെ സുധീഷ്, പിന്റോ ജോണ്‍, വനിത സി.ഇ.ഒ നെസ്സിമോള്‍, ഡ്രൈവര്‍ ബീരാന്‍കോയ എന്നിവരുള്‍പ്പെട്ട സംഘമാണ് റെയ്ഡ് നടത്തിയത്. എക്‌സൈസ് ഇന്റലിജന്റ്‌സിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു റെയ്ഡ്.