എരുമപ്പെട്ടി: വെള്ളറക്കാട് സ്വദേശിനിയായ വീട്ടമ്മയെ പീഡിപ്പിച്ചുവെന്ന പരാതിയില്‍ യുവാവിനെ എരുമപ്പെട്ടി പൊലിസ് അറസ്റ്റ് ചെയ്തു.
മലപ്പുറം കോട്ടക്കല്‍ ചങ്കുവെട്ടി കാമ്പ്രത്ത് വീട്ടില്‍ മുഹമ്മദ് ഹുസൈന്‍ (29) നെയാണ് അറസ്റ്റ് ചെയ്തത്. വടക്കാഞ്ചേരി കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
ഒരു വര്‍ഷമായി യുവാവ് ശല്യപ്പെടുത്തുന്നതായുള്ള വീട്ടമ്മയുടെ പരാതിയുടെ അടിസ്ഥാനത്തിലാണ് പൊലിസ് കേസ് എടുത്ത് അന്വേഷണം നടത്തിയത്. എസ്.ഐ. കെ.എസ്. സുബിന്തിന്റെ നേതൃത്വത്തിലുള്ള അന്വേഷണ സംഘം ആലുവയില്‍ നിന്നാണ് യുവാവിനെ അറസ്റ്റ് ചെയ്തത്.