പാലക്കാട്: ജനുവരി 9 മുതല്‍ 13 വരെ നടക്കുന്ന പട്ടിക്കാട് ജാമിഅനൂരിയ്യ അറബിക് കോളജിന്റെ വാര്‍ഷിക സമ്മേളന പ്രചരണാര്‍ഥം ഓസ്‌ഫോജന ജില്ലാ കമ്മിറ്റി സംഘടിപ്പിക്കുന്ന ജാമിഅ സമ്മേളന സെമിനാറും വിളംബരറാലിയും ജനുവരി ജനുവരി 2ന് ഉച്ചക്ക് 2.30ന് ചെര്‍പ്പുളശ്ശേരിയില്‍ നടക്കും. പരിപാടിയില്‍ ജില്ലയിലെ ഫൈസിമാരും ജാമിഅ ജൂനിയര്‍ കോളജ് വിദ്യാര്‍ഥികളും പങ്കെടുക്കും. അന്നേ ദിവസം 1.30ന് ഓസ്‌ഫോജന ജില്ലാകമ്മിറ്റിയോഗവും ചേരും. ഈ മാസം 22നകം ഒറ്റപ്പാലം, മണ്ണാര്‍ക്കാട്, പട്ടാമ്പി, പാലക്കാട് മേഖലാ കണ്‍വന്‍ഷനുകള്‍ സംഘടിപ്പിക്കും. ഇതുസംബന്ധമായി ചേര്‍ന്ന ഓസ്‌ഫോജന ജില്ലാകമ്മിറ്റി യോഗത്തില്‍ പ്രസിഡന്റ് ഇ.അലവി ഫൈസി കുളപ്പറമ്പ് അധ്യക്ഷനായി. ജനറല്‍സെക്രട്ടറി എം.ടി മുഹമ്മദലി ഫൈസി മോളൂര്‍ സ്വാഗതവും സെക്രട്ടറി പി.ത്വയ്യിബ് ഫൈസി ആലൂര്‍ നന്ദിയും പറഞ്ഞു. ജി.എം സ്വലാഹുദ്ദീന്‍ഫൈസി വല്ലപ്പുഴ, സി.മുഹമ്മദലി ഫൈസി കോട്ടോപ്പാടം, ടി.കെ മുഹമ്മദ്കുട്ടി ഫൈസി കരുവാന്‍പടി, എ.പി അബ്ദുറഹീംഫൈസി കുമരംപുത്തൂര്‍, പി. കുഞ്ഞുമുഹമ്മദ് ഫൈസി മോളൂര്‍, കെ.പി സൈനുദ്ദീന്‍ഫൈസി കാഞ്ഞിരപ്പുഴ, കെ.ടി സിദ്ദീഖുല്‍അക്ബര്‍ ഫൈസി ഇരുമ്പാലശ്ശേരി, കെ.ടി അബ്ദുസ്സലാം ഫൈസി നെല്ലായ ചര്‍ച്ചയില്‍ പങ്കെടുത്തു.