എരുമപ്പെട്ടി: കഥാകൃത്ത് കെ.സി.സുബ്രഹ്മണ്യന്‍ വേലൂരിന്റെ ആത്മകഥയായ ഓര്‍മ്മകള്‍ മേയുന്ന തീരമെന്ന പുസ്തകത്തിന്റെ പ്രകാശനം നടന്നു. ചടങ്ങ് വന്യജീവി ഗവേഷകനും പീച്ചി വനഗവേഷണ മുന്‍ ഡയറക്ടറുമായ പി.എസ്.ഈസ ഉദ്ഘാടനം ചെയ്തു.
വേലൂര്‍ ഗ്രാമപഞ്ചായത്ത് പ്രസിഡന്റ് ഷേര്‍ളി ദിലീപ് കുമാര്‍ അധ്യക്ഷയായി. കവി ഏങ്ങണ്ടിയൂര്‍ ചന്ദ്രശേഖരന്‍ പീച്ചി വനഗവേഷണ രജിസ്ട്രാര്‍ ടി.കെ.ദാമോദരന് പുസ്തകത്തിന്റെ ആദ്യപ്രതി നല്‍കി.
എഴുത്തുകാരന്‍ റഷീദ് പാറക്കല്‍,മുന്‍ ഗ്രാമപഞ്ചായത്ത് പ്രസിഡന്റ് ടി.കെ.നമ്പീശന്‍, ബ്ലോക്ക് പഞ്ചായത്തംഗം കുര്യാക്കോസ് ജോണ്‍ തുടങ്ങിയവര്‍ പങ്കെടുത്തു.