മാഡ്രിഡ്: ലാലിഗയില്‍ മെസ്സിയുടെ കരുത്തില്‍ ബാഴ്‌സലോണക്ക് വിജയം. ലയണല്‍ മെസ്സിയുടെ ഹാട്രിക്കുള്‍പ്പെടെ എതിരില്ലാത്ത അഞ്ചു ഗോളുകള്‍ക്കാണ് ബാഴ്‌സ ലെവന്റയെ തകര്‍ത്തത്.
43, 47, 60 മിനുട്ടുകളിലായിരുന്നു മെസ്സിയുടെ ഹാട്രിക്. ലൂയിസ് സുവാരസ്, ജെരാദ് പിക്വെ എന്നിവരാണ് മറ്റു സ്‌കോറര്‍മാര്‍. കഴിഞ്ഞ ദിവസത്തെ ഹാട്രിക്കോടെ മെസ്സി കരിയറിലെ 49മത് ഹാട്രിക് പൂര്‍ത്തിയാക്കി. 51 ഹാട്രിക്കുള്ള പോര്‍ച്ചുഗീസ് താരം ക്രിസ്റ്റിയാനോ റൊണാള്‍ഡോ മാത്രമാണ് ഇനി മെസ്സിക്ക് മുന്നിലുള്ളത്. മറ്റൊരു മത്സരത്തില്‍ സെവിയ്യ 2-0നു ജിറോണയെ തോല്‍പ്പിച്ചു. ഹുയെസ്‌ക-വിയ്യാറയല്‍ മത്സരം 2-2ന് സമനിലയില്‍ കലാശിച്ചു. 3-1 എന്ന സ്‌കോറിന് റയല്‍ ബെറ്റിസ് എസ്പാന്യോളിനെ പരാജയപ്പെടുത്തി.