എരുമപ്പെട്ടി: വേലൂര്‍ മണിമലര്‍ക്കാവ് ദേവീ ക്ഷേത്രത്തില്‍ ഇല്ലം നിറയോടനുബന്ധിച്ച് പൂജാ പാത്രങ്ങള്‍ വഴിപാടായി ലഭിച്ചു. പേര് വെളിപ്പെടുത്താന്‍ ആഗ്രഹിക്കാത്ത ഡല്‍ഹിയില്‍ നിന്നുള്ള ഭക്തന്‍ ഒന്നേമുക്കാല്‍ ലക്ഷം രൂപ വിലവരുന്ന പൂജാ പാത്രങ്ങള്‍ ദേവിക്ക് സമര്‍പ്പിച്ചത്.
ക്ഷേത്രത്തില്‍ രാവിലെ ആരംഭിച്ച ഇല്ലം നിറ ചടങ്ങുകള്‍ക്ക് ക്ഷേത്രം മേല്‍ശാന്തി നാരായണന്‍ നമ്പൂതിരി മുഖ്യകാര്‍മ്മികത്വം വഹിച്ചു.
തുടര്‍ന്ന് പൂജിച്ച നെല്‍ക്കതിര്‍ ഭക്തര്‍ക്ക് വിതരണം ചെയ്തു. ചടങ്ങുകള്‍ക്ക് ട്രസ്റ്റി ഭാരവാഹികളായ ശിവദാസന്‍ പെരുവഴിക്കാട്, ആലത്ത് ബാലകൃഷ്ണന്‍, ശിവദാസന്‍ വടുതല തുടങ്ങിയവര്‍ നേതൃത്വം നല്‍കി.