കാസര്‍കോട്: തോണി മറിഞ്ഞ് മൂന്ന് മത്സ്യത്തൊഴിലാളികള്‍ക്ക് പരുക്കേറ്റു. കസബ കടപ്പുറത്തെ ബാബു (45), ജോജി (29), അഖില്‍(25) എന്നിവര്‍ക്കാണ് പരുക്കേറ്റത്. ഇന്നു രാവിലെ ഏഴു മണിയോടെ കസബ കടപ്പുറം പുലിമൂട്ടിലാണ് അപകടം നടന്നത്. ഫൈബര്‍ തോണിയില്‍ 12 പേരാണ് മീന്‍പിടിക്കാന്‍ പോയത്. തോണി കടലില്‍ ഇറക്കിയ ഉടനെ ശക്തമായ തിരമാലയില്‍പ്പെട്ട് തോണി മറിയുകയായിരുന്നു. വലയില്‍ കുടുങ്ങിപ്പോയ അഖിലിനെ കൂടെയുണ്ടായിരുന്നവരാണ് രക്ഷപ്പെടുത്തിയത്. രണ്ട് എഞ്ചിനും വലയും നശിച്ചു. 2,20,000 രൂപയുടെ നഷ്ടം സംഭവിച്ചു.