പെരിന്തല്‍മണ്ണ: ഹൗസിങ് കോളനി റോഡില്‍ സ്വകാര്യ വ്യക്തിയുടെ ഉടമസ്ഥതയിലുള്ള 'ഡോ. ഫോണ്‍സ് ' എന്ന സ്ഥാപനത്തില്‍ മോഷണം. ഞായറാഴ്ച പുലര്‍ച്ചെ രണ്ടോടെയാണ് സംഭവം. അഞ്ചു മൊബൈല്‍ ഫോണുകളും ഒരു പവര്‍ ബാങ്കമടക്കം ആകെ 35,000 രൂപ നഷ്ടപ്പെട്ടു.
കടയുടെ പൂട്ടു പൊളിച്ചാണ് മോഷ്ടാവ് അകത്തുകടന്നത്. പൊലിസില്‍ നല്‍കിയ പരാതിയെ തുടര്‍ന്നു നടത്തിയ അന്വേഷണത്തില്‍ മോഷണം നടത്തുന്ന സി.സി.ടി.വി ദൃശ്യങ്ങള്‍ കണ്ടെടുത്തു. ഇതിന്റെ അടിസ്ഥാനത്തില്‍ പൊലിസ് അന്വേഷണം ആരംഭിച്ചു. പെരിന്തല്‍മണ്ണ കിടങ്ങ് സ്വദേശി പ്രശാന്തി വീട്ടില്‍ മുഹമ്മദ് ജുനൂസിന്റെ ഉടമസ്ഥതയിലുള്ളതാണ് കട.