ന്യൂഡല്‍ഹി: സുപ്രിം കോടതിയുടെ പുതിയ ചീഫ് ജസ്റ്റിസായി ദീപക് മിശ്രയെ നിയമിക്കാന്‍ തീരുമാനം. ജസ്റ്റിസ് ജെ.എസ് ഖെഹാര്‍ വിരമിക്കുന്ന ഒഴിവിലേക്കാണ് നിയമനം.

ജസ്റ്റിസ് ഖെഹാര്‍ തന്നെയാണ് മിശ്രയുടെ പേര് നിര്‍ദേശിച്ചത്. ഓഗസ്റ്റ് 27ന് ആണ് ഖെഹാര്‍ വിരമിക്കുന്നത്. നവംബര്‍ 27ന് ദീപക് മിശ്ര ചീഫ് ജസ്റ്റിസ് സ്ഥാനം ഏറ്റെടുക്കും. ഇന്ത്യയുടെ 45-ാമത് ചീഫ് ജസ്റ്റിസ് ആണ് ദീപക് മിശ്ര.

ജസ്റ്റിസ് ഖെഹാര്‍ കഴിഞ്ഞാല്‍ സുപ്രിംകോടതിയിലെ ഏറ്റവും മുതിര്‍ന്ന ന്യായാധിപനാണ് ദീപക് മിശ്ര. ഒഡീഷയില്‍ നിന്നുള്ള മൂന്നാമത്തെ ചീഫ് ജസ്റ്റിസ് ആണ് അദ്ദേഹം. അടുത്ത വര്‍ഷം ഒക്ടോബര്‍ രണ്ടിന് മിശ്ര വിരമിക്കും.