കോഴിക്കോട്: വനിതാ മതിലിനെതിരേ യു.ഡി.എഫ് വനിതാ നേതൃത്വം 29ന് ഉച്ചയ്ക്ക് രണ്ടിന് കിഡ്‌സണ്‍ കോര്‍ണറില്‍ പ്രതിഷേധസംഗമം നടത്തും. സ്വന്തം പാര്‍ട്ടിയില്‍ വനിതകള്‍ക്ക് സുരക്ഷിതത്വം നല്‍കാന്‍ സാധിക്കാത്ത പിണറായി സര്‍ക്കാര്‍ ശബരിമല യുവതീ പ്രവേശനത്തിന്റെ പേരില്‍ വര്‍ഗീയ മതില്‍ സൃഷ്ടിക്കുകയാണ്. ജനങ്ങളെ രണ്ടു തട്ടിലാക്കുന്ന ഈ വര്‍ഗീയ മതിലിനെതിരേ ശക്തമായ പ്രക്ഷോഭം നടത്തുമെന്ന് യു.ഡി.എഫിന്റെ വനിതാ നേതൃത്വം തീരുമാനിച്ചു.
യോഗം മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല ഉദ്ഘാടനം ചെയ്തു. ജില്ലാ മഹിളാ കോണ്‍ഗ്രസ് പ്രസിഡന്റ് ഉഷാദേവി ടീച്ചര്‍ അധ്യക്ഷയായി.
ഡി.സി.സി പ്രസിഡന്റ് അഡ്വ. ടി. സിദ്ദീഖ് ആമുഖഭാഷണം നടത്തി. അഡ്വ. പി. കുല്‍സു ടീച്ചര്‍ (ജന. സെക്രട്ടറി, വനിതാ ലീഗ്), ബീവി (ഫോര്‍വേര്‍ഡ് ബ്ലോക്ക്), മുക്ത (സി.എം.പി), ഷറഫുന്നിസ ടീച്ചര്‍ (ജന. സെക്രട്ടറി, ജില്ലാ വനിതാ ലീഗ്), എ.പി സഫിയ (ട്രഷറര്‍, ജില്ലാ വനിതാ ലീഗ്), പി. സഫിയ സംസാരിച്ചു. ഉഷ ഗോപിനാഥ് നന്ദി പറഞ്ഞു.