തിരുവനന്തപുരം: ആളൊഴിഞ്ഞ പറമ്പില്‍ കഞ്ചാവ് ചെടികള്‍ നട്ട് വളര്‍ത്തിയ യുവാവിനെ പൊലിസ് അറസ്റ്റ് ചെയ്തു. തിരുവനന്തപുരം തിരുമല സ്വദേശിയായ അശ്വിന്‍ ലാലിനെയാണ് (35) തിരുവനന്തപുരം എക്‌സൈസ് എന്‍ഫോഴ്‌സ്‌മെന്റ് ആന്റ് നാര്‍ക്കോട്ടിക് സ്‌പെഷ്യല്‍ സ്‌ക്വാഡ് കസ്റ്റഡിയിലെടുത്തത്. 

105 സെ.മീ, 92 സെ.മീ, 75 സെ.മീ, 75 സെ.മീ, 70 സെ.മീ എന്നിങ്ങനെ വലിപ്പത്തിലുള്ള ആറ് ചെടികളാണ് ഇയാള്‍ നട്ടുവളര്‍ത്തിയത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എപി ഷാജഹാന്റെ നേതൃത്വത്തിലുള്ള സംഘമാണ് യുവാവിനെ പിടികൂടിയത്. 
അസിസ്റ്റന്റ് എക്‌സൈസ്  ഇന്‍സ്‌പെക്ടര്‍ ലോറന്‍സ്, പ്രിവന്റീവ് ഓഫീസര്‍ സന്തോഷ് കുമാര്‍, സിവില്‍ എക്‌സൈസ് ഓഫീസര്‍മാരായ നന്ദകുമാര്‍, പ്രബോധ്, അക്ഷയ് സുരേഷ്, സൂര്യജിത്ത് റെന്നി, വനിത സിവില്‍ എക്‌സൈസ് ഓഫീസര്‍ ഷൈനി, സിവില്‍ എക്‌സൈസ് ഓഫീസര്‍ ഡ്രൈവര്‍ ആന്റോ എന്നിവരും പരിശോധനയില്‍ പങ്കെടുത്തു.

Cultivated cannabis in vacant lots The youth was arrested in thiruvananthapuram